政情:湯恩佳讚星洲組屋政策

啱啱舉行嘅七一大遊行,唔少示威者都係不滿香港樓價太貴,指摘特區政府施政不力,搞到小市民居無屋、上樓無望。香港孔教學院院長湯恩佳日前出席一個活動時就話,新加坡嘅組屋政策相當成功,當地人可享安居樂業,反而香港就遜色囉。

湯恩佳好同情小市民冇屋住、供樓難嘅痛苦,政府真係應該為市民着想。講到房屋政策,湯恩佳就大講歷史,佢話,早喺七十年代,港英政府就推出居屋政策,跟住新加坡至學嘢推出組屋,點知三十幾年過去,香港嘅房屋政策愈嚟愈多人鬧,唔少人都望樓興嘆,反而新加坡居民就可以因為組屋而安居樂業。呢啲叫風水輪流轉吖,定係有頭威冇尾陣呢?香港政府真係要諗吓喇!

「Money18免費即秒股票報價網站」現推出8升級功能,財經資訊,實時實發!