政情：黃婉曼渴望馬場浪漫婚禮

「天氣女郎」黃婉曼同男友拍拖近年，尋日佢喺馬場擔任司儀時，就自爆希望喺馬場行婚禮，認為感覺浪漫，咁佢同男友有冇結婚計劃呢？佢就笑話：「拍咗十一個月拖之嘛，唔敢問喎，愈快愈好啦，不過其實暫時都冇，工作為先！」

黃婉曼尋日以一身逼爆「騎師look」做主持，問到平時有冇入馬場﹖佢就透露，閒時都會同家人入吓馬場小注怡情，近年佢嘅工作愈來愈多元化，問佢會唔會拍吓寫真﹖佢即時拒絕：「暫時唔會考慮，因為我嘅工作主要都係以主持為主。」