政情：小水彩搬來香港搵男友
被指貌似日本女星藤原紀香嘅日籍模特兒小水彩，接咗名模楊崢棒做日本一個護膚品牌子嘅香港區代言人，就開始一場皮膚革命，仲因為工作需要，要經常來往香港和日本，故正考慮搬到香港居住，還講笑希望找一個香港男友拍拖呢！
小水彩話：「因為廣告需要我白白淨淨，但我啱啱去完夏威夷度假返嚟、曬黑咗，所以好擔心。」來港發展唔夠半年嘅小水彩工作接不停，佢仲透露，早前有人邀請佢拍寫真，但畀佢一口拒絕，佢話：「自己好細個便入行，在日本時也未曾拍過寫真，從來無想過要拍寫真，自己希望行成熟高貴路線，目標做國際名牌的御用模特兒。」
