政情：何紫綸訪山區童學懂惜福

模特兒Ann何紫綸偕同師弟梁健衡、范振鋒同女友李思欣早前參與「衍生行羅定湖南關愛考察探訪團」，原來衍生行為改善山區教育問題，先後喺羅定同湖南捐建多間學校。首次做探訪嘅Ann直言此行感受良多，覺得當地嘅兒童有啲畀父母遺棄外，更身處惡劣嘅生活同教育環境。

Ann話：「我預備咗好多小禮物，送畀小朋友時，佢哋開心嘅樣真係好難忘，去探訪四日我喊足四日，其實我哋要惜福，因為好多人想改變環境都冇能力。最有意義係我以model身份去探訪，因為我想外界知道model唔只係行騷，都可以關心社會事務。尤其嗰班靠性感出位嘅口靚模，與其拋胸博出位，不如留番啲心機同時間關心社會好過啦！」

何紫綸（右三）首次探訪內地貧窮學童，話此行感受良多。