已故中國前總理周恩來嘅姪女周秉德尋日現身香江，為《一代偉人周恩來》大型專題展揭幕。揭幕禮尋日舉行，但展覽早於本月二十六號開始喺中央圖書館舉行，首日吸引逾二千五百人入場，港人咁熱情，周秉德都感到意外。
開幕禮上城中名人富豪雲集，而周秉德亦分享咗周恩來生平點滴。佢一場嚟到香港，據知約咗老朋友食飯傾偈敍敍舊。除咗周秉德，周恩來貼身衞士高振普都有現身。
周總理生前長期關注香港事務，廣交各方朋友，東江水輸港工程嘅具體布置，周總理一直策劃指揮，香港人到今時今日仍然受用。
周秉德驚訝港人對周恩來生平事迹興趣濃。
