政情：曾咏出書教減肥抗衰老

模特兒Winnie曾咏今年七月也會殺入書展，但佢並非推出水着寫真，而係推出一本具學術性嘅營養學書籍。兩年前畢業於香港大學微生物系碩士嘅Winnie，喺Hong Kong U Space修畢一個「臨床營養學及健康推廣」證書課程，兩年前憑第一屆Style Model Hunt選拔賽冠軍而入行，學歷高兼六呎身高，譽稱「碩士女模」，喺模特兒界亦頗吃香。

對於處女出書，佢事前工夫做到足，專程請教唔少教授同醫生嘅意見，新書名為《Beauty Live》，希望以時尚嘅角度直擊講解減肥、抗衰老同基因等問題，為咗增加趣味，佢仲邀請同門嘅熊黛林、Baby楊穎同姚予晴等名模作分享。佢話：「因為我見好多模特兒為咗減肥，食減肥藥同節食而搞壞咗身體。最恐怖係，若果過度節食會令身體嘅脂肪比例愈來愈高，胸會先瘦，但大腿同手臂位就好肥。我係一個好易滿足嘅人，幫到人有健康嘅身體，自己就會好開心。」