政情：何倍倩帶隋棠遊畫廊
名模隋棠早前為拍攝節目《Woman愛旅行》訪港，佢嘅好友「恒生新抱」Anina何倍倩當然一盡地主之誼。Anina知道隋棠對藝術有濃厚興趣，仲專誠帶佢到agnes b.嘅畫廊參觀添！除此之外，亦不忘帶佢到自己嘅店舖參觀。Anina笑言自己經常到台灣，所以認識唔少當地模特兒同藝人。佢又話：「我成日同隋棠交流護膚同飲食心得，而佢都成日提議我去一啲台灣嘅另類地方，好似墾丁咁。」咁有冇留意佢嘅劇集？佢話：「有呀，有睇佢喺《犀利人妻》裏面嘅演出，依家紅到不得了！令好多女士有共鳴。如果喺台灣有機會合作嘅話，我第一個就會諗起佢，佢真係好靚！」
何倍倩（右）一盡地主之誼，帶隋棠周圍參觀。