思潮安排差「唔係咁有實力」

【本報訊】證人供詞顯示，新濠除不滿付款方法外，也不滿意叢培崑旗下思潮廣告制作公司的服務，認為該公司在澳門「唔係咁有實力」，車船安排反要新濠幫手訂購。供詞又指出，叢在籌備「翡翠歌星賀台慶2009」期間，不忘向新濠推銷搞「志雲飯局」，惟新濠高層考慮後未有接納。

叢不忘推銷志雲飯局

證人許瑞雪透露，新濠在活動後作出檢討，坦承對思潮「唔係咁滿意」。她解釋，思潮在澳門「唔係咁有實力」，活動中的運輸、船票，要由新濠自己訂購，以取得較優惠的價錢和較佳的服務。許又指出，思潮連酒店房間也未能預訂，有「少少混亂」，但當控方質疑思潮未有能力舉辦如此大型的活動時，許又圓滑地為思潮「補鑊」：「唔可以話無實力……發生問題好多原因，溝通啦，雙方面都有，可能我哋今次唔好彩。」而代表叢培崑的大律師也承認新濠有怨言，但問題並非十分嚴重，又指當時澳門正舉辦大型展覽，因此難以預訂酒店房間。

許亦透露除「翡翠歌星賀台慶2009」外，與叢培崑也有商量合作做「志雲飯局」。