City Parade：盃麵派對
太子珠寶鐘錶上周日舉行精英盃賽，廣邀城中名人睇馬，順便大擦美食。長長自助餐桌放滿美食，卻不及懷舊雞蛋仔，與熱爆中環嘅「豚王」拉麵吸引。為嘗美食，名人排隊不怕攰，足證物以罕為貴，食多唔怕肥。國際著名時裝品牌Rue du Mail首席設計師Martine Sitbon，為慈善助瑞士腕錶品牌設計T-shirt，特別推出嘅Heart to Heart T-shirt，係為聯合國兒童基金會籌款。
陳庭欣嘗麵唔執輸
港姐陳庭欣排隊攞番碗熱辣辣拉麵醫肚。
名媛懷舊食雞蛋仔
難得碰上雞蛋仔，前民政事務局常秘李麗娟（左起）、莎莎老闆娘郭羅桂珍、利孝和夫人、名媛林李婉冰同恒生女大班梁高美懿都要試食，一齊懷舊一番。
鄧振豪打點食材
大會提供美味「豚王」拉麵，老闆鄧振豪（左）同任博愛總理嘅爸爸鄧慶治（右）幫手打點食材。
林建康望子成龍
愛沙尼亞駐港名譽領事林建康夫婦望囝囝學有所成，已經係最佳禮物。
陳南祿攜女賀父親節
恒隆集團董事總經理陳南祿出名愛錫女兒，同囡囡十指緊扣入場慶祝父親節。
葛優初哥入馬場
出爐影帝葛優（右）初次入馬場，令馬迷起哄。
廖碧兒何國鉦潮得起
藝人廖碧兒與著名時裝設計師何國鉦大談時尚經。
何倍倩陳嘉桓爭住行善
恒生銀行已故創辦人何善衡孫新抱何倍倩（左）與名模陳嘉桓為善不甘後人。
名人開P暢飲盡歡
恒生銀行創辦人林炳炎後人林秀棠兒子林詩澔夫婦(左一及二)、名媛趙式芝(左三)及羅穎怡(左四)，喺派對暢飲。