政情：羅范拒評史美倫劈炮
史美倫前日突然以職務繁忙為由辭任大學教育資助委員會主席，引起政圈及學界關注，更有人質疑佢對大學教育嘅承擔，做過多年教育高官、同樣擔任港區人大代表嘅羅范椒芬同史美倫不時一齊出席公眾場合，尋日出席一個場合時，佢亦唔願深談事件。
羅太話，自己都係睇報紙先知道有關消息，史美倫事前冇同佢傾過喎。羅太承認教資會的工作繁重，開親會都開成個星期，又要招待訪港嘅外國學者，史美倫係滙豐非執行副主席嘅工作亦都好忙，呢啲都係不爭嘅事實。
但問及史美倫咁樣中途劈炮係咪唔負責任時，羅太就推說自己冇做教育好耐喇，今次事件已經同佢無關，唔想多作評論喎！
羅范椒芬（左）對史美倫（右）請辭一事唔肯多講。 （資料圖片）