政情：莊家彬老竇恨抱孫
千億新抱徐子淇生仔之後，名人二代出席公開場合都會講吓呢單喜事，至今仍單身嘅莊家彬尋日出席一個活動時，就被問到幾時傳婚訊，點知佢話：「有時同屋企人去飲，爸爸都有問吓我。好似Martin（李家誠）啱啱生仔，爸爸都有講笑問我幾時有孫畀佢湊。但我覺得呢啲急唔嚟。」
佢話現階段會以工作為重，而且呢個時代都興遲婚，所以自己一啲都唔心急，而且佢經常都要返內地做生意。
暑假將至，佢有乜打算呢？莊家彬說：「有諗過去馬爾代夫，但又覺得好遠，如果去泰國越南，做生意又成日去，所以未諗到去邊，如果要去都要等到九、十月先得。」
