呢頭被驅趕嗰頭又賣過

【本報訊】黃大仙祠外爆出懷疑導遊收受回佣事件，在附近「攞正牌」售賣香燭的檔口可謂首當其衝，加上祠廟禁止攜帶寶牒內進，令部分檔主生意銳減一半。

禁帶寶牒入祠 重創檔主生意

在黃大仙祠售賣香燭逾二十年的檔主鄧先生便稱，祠方禁止客人攜帶寶牒入廟，已令他生意大減：「帶都唔畀帶入去，我哋諗住代客燒，等啲客帶入去拜完出嚟畀我哋燒都唔得，啲寶牒都入唔到廟！」豈料，黃大仙祠停車場在數年前建成啟用後，又多了一班婆婆在門外「爭食」，令生意雪上加霜：「我哋要租舖，人哋唔使租舖，我哋畀班賣香阿婆趕絕！」

另一名檔主林小姐同樣「遭殃」，她說，雖然不時有小販管理隊到停車場驅趕非法擺賣人士，次數亦頗為頻密，惟小販管理隊收隊後，婆婆們即時故態復萌。雖然一些「心水清」的內地遊客覺得賣香婆婆「有古怪」，選擇到檔口幫襯，但為數極少。