政情：鄭志雯大搞美酒店集團

新世界發展主席鄭裕彤嘅孫女Sonia鄭志雯，坐正新世界酒店集團主席個位唔係好耐，就拿拿臨落實佢之前所講嘅大計，收購總部設喺美國德克薩斯州達拉斯嘅Rosewood Hotels & Resorts, L.L.C.，作價2.295億美元，即係17.9億港元，呢個銀碼同佢心目中要喺未來五年投放11億美元（折約86億港元）擴大版圖嘅目標，仲有好多發展空間。

Sonia大讚Rosewood Hotels & Resorts係全球最著名同奢華嘅酒店集團之一，喺八個國家管理共十九個物業，旗下仲有富傳奇色彩嘅酒店同度假村，新世界酒店買埋Rosewood之後，肯定令佢哋喺豪華酒店管理業界之外，再提升國際地位同名聲。

今年至三十歲嘅Sonia，係鄭家純嘅女兒，鄭志剛嘅細妹，○九年坐正做新世界發展酒店首席總監，大概半年前坐正做主席。