政情：三房子女慶父親節陪賭王

賭王何鴻燊喺父親節前夕已率先同四房子女慶祝，喺前日正日佢就同三太陳婉珍、龍鳳胎超蓮同猷啟到九龍區一間酒店食飯，而猷啟仲揸住一袋禮物到場，逗留個幾鐘就離開，見賭王身上戴住一個由超蓮送嘅全家福牌仔，相中見三太攬住賭王笑，而超蓮兩姊弟則作狀錫爸爸，十分溫馨。之後佢哋齊齊返回三房寓所，但全程未見超雲蹤影。

三太透過秘書話：「雖然超雲唔喺香港，但係佢都好有心，專程速遞咗一份好有紀念價值嘅禮物畀爸爸。」另外，超雲前晚喺微博話好掛住爸爸並送上祝福：「爸爸，我很感恩，無論我身在何方，腦海裏一定有你，每天圍繞着我……好讓我深深了解、體會甚麼叫做疲勞轟炸，因為我太想你了！我愛你！希望天下的父親開開心心！父親節快樂！」但佢喺尋日又上載一張大頭照片，並寫上「無奈！」兩字。

「Money18免費即秒股票報價網站」現推出8升級功能，財經資訊，實時實發！

三太陳婉珍、超蓮同猷啟喺父親節同賭王去酒店食飯慶祝。