獲子捐肝黎美兒甦醒說話

【本報訊】「我好驚見你哋唔到！」因患急性肝衰竭獲長子捐肝續命的好老師黎美兒，手術後第三天終於完全甦醒，昨日更能開口說話，一度陷入昏迷的她，面對幾乎生死相隔的丈夫林先生不禁流露出不捨之情。林亦坦言這場大病令他更懂得珍惜家人，長子接受手術前的一句叮囑，促使他決心戒掉愛喝酒的壞習慣，希望妻兒可盡快康復離院，早日一家團聚。

林先生於瑪麗醫院深切治療部探病後興奮地形容，太太已完全甦醒，康復進展良好，甚至可以開口說話，「佢見到我就講：『我好驚見你哋唔到』，我安慰佢話你好有福，兩個仔好孝順，佢好感動，亦有啲激動。」捐出右肝的長子其傷口仍感痛楚，林稱：「佢痛到唔想講嘢，不過我相信佢一定捱到，知道媽媽醒咗亦好安心。」

林稱，黎擔心手術耽誤長子考大學入學試，幸好他昨天已向校方遞交醫生證明，希望讓兒子可補考。雖然連日來林家為黎美兒入院一事憂心忡忡，但體貼的次子仍不忘藉父親節向爸爸表心意，前日送上父親至愛的紅酒作為禮物，令他感分外窩心，更憶起長子動手術前的一席話。

林透露自己愛喝紅酒，一星期起碼喝一、兩支，「記得佢（長子）八、九歲時勸過我唔好飲酒，我冇理佢，到今次佢趕返嚟都不忘勸我飲少啲，所以真係要飲少啲，就算今次份禮物，都會等佢哋出咗院慶祝至飲。」手術之後亦令到他感觸良多，「平時佢哋少講嘢，未必知佢哋諗乜，但今次就感受到佢哋嘅孝心。」

近十名黎美兒親友昨日亦如常到病房探望，黎任教的聖方濟愛德小學亦向學生告知黎老師已甦醒過來，不少學生甚為振奮。