政情：王敏德唔想囝囝入娛圈
王敏德前晚出席微笑行動中國基金呈獻嘅《婚前借愛》慈善籌款首映禮，問到點解太太馬詩慧冇嚟時，佢解釋：「囝囝考試，太太要同佢溫書。中文我唔係好識，英文就我出動啦！」其後佢話囝囝成績中上，可以話係高材生，更大讚好有才華，卻反對佢入娛樂圈。係咪擔心囝囝學壞？佢否認話：「唔係，只係拍戲辛苦，我想佢搞生意或者做醫生。做機師都OK，不過當興趣會好啲。」
佢坦言囝囝夠靚仔，又能歌善舞，表演欲十分強，仲話：「太太當然想佢做一個大老闆，仲係international business！」至於兩個囡囡，佢話大女讀緊自己鍾意嘅時裝課程，二女則正考慮送佢到美國高爾夫球學院，想佢做專業高爾夫球手。
王敏德話想囝囝第時搞生意或者做醫生。