劏房危機四伏 貧苦一族搵命博

【本報訊】馬頭圍道唐樓三級火導致四屍五命慘劇，揭露貧苦一族因為收入不多，被迫居住在危機四伏劏房的悲歌。廖婆婆獨居於公屋，靠綜援金過活，一對已成家立室的子女則租住深水埗區的劏房。她形容劏房的居住環境惡劣，「個仔一家三口住個七十幾呎嘅劏房，仲包埋廁所，入去廁所要側身先得，樓下仲有兩層老人院，如果火警，真係唔使走，個女對住我喊，話隔籬劏房住咗個學生妹，養咗七、八隻狗，又臭又嘈！」

不少市民昨日致電電台節目申訴，批評業主或二房東無良，不理住戶的安全胡亂劏房，而政府亦監管不力，令租客生活在危牆之下。

做裝修的陳先生稱，舊樓普遍有劏房問題，「一個一千方呎嘅單位，可劏做五、六間房，每間收三、四千蚊租，一個月有萬幾二萬蚊租，劏房一定有危險，因為會影響結構及走火，有啲舊樓業主好冇良心，封得就封，劏得就劏。」

住於廟街劏房的李女士說，區內不少唐樓業主以一百多萬元購入整層後，將單位間成五間房，「啲雜物及床求其放在後樓梯，層層樓都係咁，有事都唔知點走火。」