政情：立會新會議廳讓掟嘢飛
喺添馬艦嘅立法會新大樓預料十月正式啟用，立法會秘書處尋日首次帶傳媒參觀新大樓，逢周三開大會嘅會議廳當然係焦點。
秘書長Pauline吳文華話，會議廳入面，記者席同觀眾席分兩層，觀眾席一共可以容納一百三十四人，同議員座位之間有玻璃隔住，但係由於塊玻璃唔係密封，坐喺觀眾席嘅市民仍然可以掟嘢落去議會廳，所以佢話唔擔保搬咗新大樓之後，會冇人掟嘢。
新大樓嘅面積足足大過依家中環立法會四倍，達四萬平方呎，加上立法會外最多可以有四個示威區，所以立法會要大增保安人手，由現時三十人大增至九十人，迎戰日後嘅攻防戰。
