政情:林鄭炒冷飯塞發叔把口

政府同新界鄉議局就村屋僭建日前達成初步共識,鄉議局主席劉皇發尋日接受電台電話訪問時重提前日同發展局局長林鄭月娥火併嘅成果,佢好坦白話冇辦法滿足到所有新界人嘅要求,但依家都叫攞到啲嘢喺手,形容「依家攞唔到百分百,都叫有少少得到好處」,令五成面積嘅天台屋成為合法比例。咪住,政府只係話暫緩執法而唔係特赦喎?佢就笑笑口答話:「贏咗一段時間安樂,大家都會接受啦!」

但有新界人爆料話,天台屋可佔一半面積呢條界,其實一早已經係不成文規定,變相踢爆林鄭炒冷飯,將舊準則變成新讓步敷衍鄉議局。其實當局喺僭建風暴壓力下,已將過去幾年同鄉議局商討所得嘅成果推倒重來。

「Money18免費即秒股票報價網站」現推出8升級功能,財經資訊,實時實發!