政情：霍思燕見阿加斯心跳加速
內地女星霍思燕早前獲腕錶品牌LONGINES邀請遠赴巴黎，出席體育盛事「2011法國網球公開賽」的男子決賽，此行霍思燕除咗首度親身現場看球賽之外，仲可以到巴黎觀光，令佢大感驚喜。
期間佢出席一個喺巴黎小王宮舉行嘅晚宴，穿上一襲Alex Wang春夏晚裝，加上古典妝容，散發東方美，即場吸引同場嘅網球巨星阿加斯注意，對佢讚好不絕，大讚：「So Beautiful！」阿加斯仲兩度主動同霍思燕握手，霍思燕就一早預備咗一個人形公仔送畀對方，阿加斯即時喺網球上簽名轉送畀霍思燕作回禮，事後霍思燕話：「他非常有紳士風度，眼睛像會放電一樣，看見他令我有觸電感覺，心跳加速。」
霍思燕送咗個人形公仔畀阿加斯。