政情：趙哲妤出騷唔怕失手機
中國小姐Uny趙哲妤尋日擔任婚紗騷模特兒。現年二十三歲嘅佢坦言穿上婚紗，令佢有結婚的衝動，但佢強調依家年紀尚小，只希望喺五年後步入教堂。被追問有冇男友時，佢不置可否：「依家以事業為先。」再追問鍾意邊款婚紗？佢希望有度身訂造嘅婚紗，好似公主咁。「我長裙、短裙都鍾意，所以晚裝兩樣都要有」！
讀演戲課程增值
另外，佢話知道名模Ana R.前日喺後台被偷咗電話，所以自己都好緊張，佢話：「我將電話畀咗經理人託管。」電話裏面有密照？佢話：「冇，但係有好多藝人電話。」佢又透露有報讀演戲課程，接下來會參與電影，希望能挑戰更多唔同角色。
穿上婚紗嘅趙哲妤強調依家年紀尚小，只希望喺五年後步入教堂。