政情：廖潔明愛女畫作獲全球殊榮
喺有「畫壇奧運」之稱嘅馬其頓國際青少年及兒童繪畫賽中，警務督察協會前主席廖潔明嘅十七歲女兒廖韻怡同其餘兩名本港女生，獲封全球十大最佳青少年畫家獎。
廖Sir當然好開心，仲話佢喺囡囡細個時已安排佢學芭蕾舞、鋼琴同學畫畫，睇吓佢對乜嘢有天分，最後發現囡囡鍾意畫畫。
廖Sir希望子女喺學業以外，對最少一項藝術同一項體育產生興趣，認為咁會令佢哋終生受用，同埋至會有更多姿多采嘅人生。佢本身就唱全低音，以前因警協忙碌而暫別合唱團，喺九月二日退休後，除考慮參政，亦會發揮呢方面嘅所長喎！
