政情:潘佩璆下屆立會勢改直選

工聯會立法會勞工界議員潘佩璆嘅議員辦事處尋日開幕,呢個新嘅辦事處喺有「富貴公屋」之稱嘅華富邨,亦係工聯會首個喺港島開嘅議員辦事處。本身係精神科醫生嘅佢話,呢個選址對佢有特別意義,因為二十年前佢喺瑪麗醫院返工時,病人多數都係南區居民,當然唔少得華富街坊啦,依家就用另一個身份為街坊提供服務喎。

一直銳意下屆喺港島區出選嘅潘醫生話,按工聯會規矩,代表工聯會做勞工界議員只可做一屆,但佢發現市民好難接受一個專業人士做勞工界代表,佢又為人低調,透過直選入立法會有一定難度,再加上佢就算參加直選都唔會放棄做醫生,有啲朋友都畀意見,話佢唔知做唔做到咁多嘢。

佢話參與議會係一個好好嘅經驗,而佢亦冇乜特別要求,仲話「喺(參選)名單度排第一個定係最後一個都冇所謂,就算做義工幫手拉票都係參選㗎。」講到咁白,都唔使問佢係咪決定咗唔選下屆立法會啦。

「Money18免費即秒股票報價網站」現推出8升級功能,財經資訊,實時實發!

潘佩璆話自己為人低調,透過直選入立法會有一定難度。