政情:鯊魚女唔認係紫荊俠

Ball場界嘅「鯊魚姊妹花」劉陳小寶同陳細潔,尋日出席旗下嘅護膚品牌雪肌蘭「雪亮眼睛」活動,為保良局更多嘅長者提供免費全面驗眼服務。愛心爆棚嘅陳細潔對於被指係紫荊俠?佢話:「真係似我咩?不過嗰個都唔係我,人哋身材靚啲,不過有呢啲都幾好!可以幫助有需要嘅人,又令社會氣氛好啲。」咁佢會唔會以第二個形象加入呢?佢話:「都係好主意,可以諗吓!不過佢身材咁好,我要扮都要女扮男先得!可以以鯊魚俠身份,着鯊魚戰衣出動,不過要係Happy鯊魚俠!」仲話自己幫助嘅對象將會係老弱傷殘同智障人士。

至於外間另盛傳紫荊俠係萬寶寶?佢話:「雖然佢身材好,但佢嘅膚色唔似,而且亦唔似佢性格,佢好鬼、又好西化。」此外,亦有指女俠可能係羅姓名媛。佢就話:「佢?不過佢應該會帶埋啲狗!」

問到同場嘅龐盧淑燕紫荊俠會唔會係佢兩個新抱?龐盧淑燕話:「唔會啦!佢哋好忙,我十幾年前開始去派米,但就冇公開同人講,我去派米,佢哋都有派毛氈、利是同麵。」

「Money18免費即秒股票報價網站」現推出8升級功能,財經資訊,實時實發!

陳細潔(右)話想變身鯊魚俠幫助老弱傷殘同智障人士,旁為劉陳小寶。