政情：陳霽平唔恨嫁趙式言
陳霽平尋日為一個藝術展嘅BMW活動擔任司儀，身穿晚裝裙嘅佢以高貴一面示人，仲話同趙世曾姪仔趙式言拍拖兩年，仲未有結婚生仔嘅計劃，一切順其自然，佢又話男朋友未向佢求婚。咁係咪有默契幾時結婚呀？佢話：「唔知呢！其實我都唔需要結婚，結唔結婚係depend on屋企人，但我爹哋媽咪只要我開心就得，我係唔需要結婚嘅傳統，總之我冇壓力，男方嗰邊就唔知。」咁係咪結婚講mood？佢直認：「係，mood到唔排除閃電結婚。生小朋友都係冇壓力，順其自然，依家我哋好享受二人世界！」
問到男友係咪理想丈夫？佢甜笑咁話：「係好多人嘅理想丈夫！」佢又透露將拍攝一部獨立電影，話：「裏面有三個故事，我負責其中一個單元，都係主角之一，係套驚險片。」
陳霽平大讚男友趙式言係好多人嘅理想丈夫。