Sun角度：澳洲名模拒穿攞命12吋踭

高跟及厚底鞋，雖然能夠增加腿部線條弧度，但一不留神，分分鐘大出洋相，即使是「身經百戰」的國際名模、明星，同樣會失禮人前，跌到一仆一碌。形象指導張學潤認為，高的厚底鞋並非人人適合穿着。早前，一名澳洲籍名模就拒絕穿上「攞命」的十二吋高跟鞋行「貓步」，抗議鞋款危及模特兒安全。

厚底危過斗零踭

很多明星鍾愛超級高跟或厚底鞋，還不斷挑戰鞋跟高度，其中國際巨星Lady GaGa便是佼佼者，但她早前老貓燒鬚，腳踏十吋厚底鞋，在法國希斯路機場失足趴地，而她演唱新歌時，疑因穿高跟鞋爬上鋼琴椅跳舞突失重心，以致雙腳朝天。本港歌手G.E.M（鄧紫棋）、楊千嬅及關淑怡，亦曾因穿高跟鞋時不慎，失平衡跌倒於舞台上。

張學潤稱，「厚底風」潮流已吹了兩年，時裝界以厚底高跟鞋配搭時裝，營造七十年代的復古風格，鞋款大多是厚底或木踭，「屬於鬆糕鞋嘅變種，以前鞋踭係三至四吋，依家就去到七至八吋，愈嚟愈高！但因前後踭都咁高，並非任何女士都適合穿着。」

他補充：「身形細粒、瘦嘅女仔着上，會似鐵甲萬能俠，睇落隻腳短上加短，比例唔係咁靚。」他不諱言，厚底鞋看似穩陣，但因架空腳掌，走路時「屈」不到腳掌，可能較穿斗零踭更易拗柴。