政情：白鴿黨公文袋想選特首
城中忽然炒熱特首選舉，建制派頻頻有聲音，泛民嗰邊都有暗湧，據聞泛民兩大政黨白鴿黨同公文袋，最近亦一改之前對參選特首所持嘅觀望態度，唔知係咪同社民連「長毛」梁國雄、民協嘅馮檢基早前先後表態唔排除落場玩有關呢？總之最新情況顯示，特首選戰或有更多人落場玩。
白鴿黨最近開始意識到自己或陷於兩難，若唔想重蹈上屆為袋巾傑抬轎、最後搞到選票一去冇回頭嘅覆轍，就最好自己派人參選以免蝕章。公文袋則採取「敵不動，我不動」嘅策略，等白鴿黨提議同決定泛民應否參選，如果對方決定出戰，佢哋亦一定唔會執輸。