男人四十魅力無邊，為唔少名媛設計晚裝嘅設計師何國鉦前晚舉行四十歲生日派對，參加者嘅dress code係以野性為主題，連會場外嘅布景板都係長頸鹿裝飾。壽星公何國鉦穿上豹紋西裝外套，化身為大獵豹；一眾嘉賓有啲以獸衣應戰，有啲就低調響應，配番啲獸紋飾物。
傅明憲透露，佢送咗份狗仔用品畀何國鉦做生日禮物：「因為佢乜嘢都有，我之前都送咗好多狗仔嘢畀佢！」壽星公當晚收到好多禮物，亦有唔少紅顏知己吻賀壽星公，難怪佢笑到見牙唔見眼。
傅明憲（左）同王賢誌（右）都有撐場，傅明憲仲送咗份狗仔用品畀何國鉦做生日禮物。
