政情：蔡加讚汪圓圓巴黎蜜遊
墮入愛河嘅人最鍾意浪漫，玩具大王孻仔蔡加讚二月被本報獨家拍到同甄子丹姨仔模特兒汪圓圓拍拖後，戀情已經公開，早前復活節假期，兩個人仲去咗巴黎，喺浪漫花都度過甜蜜五日。
蔡加讚話，此行主要節目係行博物館，「我哋兩個都鍾意藝術，去博物館可以由朝行到晚，又去咗啲靚餐廳試法國菜」。問到同女友感情有冇大增？佢話：「幾好，幾開心。」一向孝順嘅佢亦趁此機會揀咗禮物送畀媽咪，自己都入咗啲男裝貨。玩完返港嘅圓圓尋日亦為一隻手袋品牌行騷，仲要同男拍檔如情侶一齊出場，圓圓話，唔擔心男友呷醋，仲話：「其實如果佢呷醋先至正常啦！」
兩人喺法國睇咗唔少博物館。
蔡加讚同汪圓圓拍拖去法國甜蜜遊。