政情：劉錫威護膚米梘氹老婆

錫老婆係好男人嘅一個特徵，台北貿易中心總經理劉錫威日前出席一個活動時，就不經意流露佢愛妻一面。

劉錫威專責推廣台灣貨，對於台灣產品瞭若指掌，尋日，佢喺會展巡國際食品展攤位時，就畀台灣香米製成嘅手工洗面皂難倒，驚嘆原來台灣米已經唔止食落肚咁簡單。發現呢個新產品後，佢第一時間諗起要買件返去送畀老婆大人。

據介紹，香米洗面皂就入咗台中縣霧峰鄉特產嘅香米米胚精製而成，有清除肌膚油分、改善粗糙膚質嘅功效，日日用就包保皮膚又靚又白喇！呢種產品每塊約五十港元，香港市面仲未有得賣，劉錫威因利乘便，又可以搶早一步氹老婆，難怪佢笑哈哈喇。

「Money18免費即秒股票報價網站」現推出8升級功能，財經資訊，實時實發！

劉錫威被琳琅滿目嘅手工香皂深深吸引。