Sun世代：攝影師生涯邂逅愛妻
開設武館前，尹圻灝是攝影公司老闆兼首席攝影師。通常攝影師接觸美女機會特別多，尹圻灝亦因此而認識了賢妻，他開懷地笑說：「我以前乜都影嘅，人像、風景都得，其實係朋友介紹老婆嚟影相，之後約佢睇番啲相，傾傾吓了解吓覺得好夾……」現時他們育有一名九歲兒子，妻子幫手打理珠寶玉石生意。
「自細都鍾意收集玉石，每件玉都有獨特個性，係唔會有完全一樣嘅玉！我十年前報讀鑑證玉石課程，學識咗唔會畀人搵笨！」他完成課程後，就開設中藝軒珠寶玉器店，更親自赴緬甸揀選貨源。問到兒子會否承繼玉石生意，或做武林高手，尹圻灝說：「由得佢自己揀，最緊要佢鍾意！」
擁有鑑賞玉石專業資格的尹圻灝，前赴緬甸「尋寶」。