政情：鄭詩韻囝囝雙滿月贈興
名媛榮文蔚表妹Michelle鄭詩韻前晚同老公陳鴻業出席一個籌款晚會，產後不久嘅佢着住Roberto Cavalli晚裝，睇嚟已收身不少。Michelle話前晚係囝囝滿月，出席活動前佢仲為囝囝扮靚影相。咁會唔會擺滿月酒？佢話：「之前好辛苦，我發脾氣話乜都唔搞，而且當時好多天災人禍，唔想勞民傷財。不過我嘅爺爺同嫲嫲原來已經暗地裏安排咗，會搞雙滿月。」Michelle又話，由於要餵人奶，但佢奶水不夠，令佢大感壓力而有啲啲抑鬱喎，佢話：「我每日要飲兩公升嘅湯去谷奶，自己好 同好躁。」
咁母親節有乜節目？佢透露會同家人食飯、行街，而老公已代小朋友送咗手袋畀佢做母親節禮物嘞！
產後冇耐嘅鄭詩韻着住Roberto Cavalli晚裝，睇嚟收身不少。