政情：楊婉儀落手搞教育中心

尋日係母親節，Winnie楊婉儀同老公王瑞勳帶埋一對子女出席「第10屆育兒天地博覽」，Winnie大騷手上由囝囝DIY畀佢串珠手鏈，至於囡囡則送咗乾花做嘅首飾盒畀佢。佢話囡囡今年六歲，就讀維多利亞小學，仲笑指學校課程深，仔女嘅中文程度比佢仲要好。

Winnie又透露最近開咗間教育中心，又話：「形式似Playgroup，教煮嘢食同親子活動，我趁小朋友返學時去教。不過，最近唔係好開心，因為之前為中心申請電話號碼，亦已經登埋廣告，點知個號碼原來有人用緊，搞到要再申請過，好多嘢都要改。」

楊婉儀同老公帶埋仔女出席活動，夠晒溫馨。

圖為囝囝送嘅串珠手鏈。