好多政商界名人尋日出席一個母親節嘅活動，立法會旅遊界議員阿Paul謝偉俊同另一議員李華明齊齊扮大肚婆，又捲起衫袖為假BB換尿片、沖涼，體驗做媽咪嘅辛勞。
阿Paul冇小朋友，但為免失禮，活動前專登買包尿片匿埋屋企練習。問佢幾時生BB？佢嘅親密愛人白姐姐搶住答話：「我唔介意湊小朋友，但要生就叫阿Paul搵代母，最好生個混血BB。」阿Paul食住上搞Gag，話自己媽咪身在美國，唔喺香港，要暫時當白姐姐係「代母」，暗寸對方年紀大，激到白姐姐面燶燶。
阿Paul替「BB」換片，白姐姐（右）在旁肉緊打氣。
