本地著名時裝設計師鄭兆良為十字路口基金會籌款，佢話呢個機構好低調，希望可幫到佢哋，而籌款嘅目標係五百萬元。
籌款晚會上仲有由鄭兆良設計嘅時裝騷，鄭兆良話：「當中有啲係我過往經典作品，有啲為呢個騷而設計，仲有人贊助出書，係我設計嘅衫嘅相，會送畀出席嘅賓客。」
之後，鄭兆良仲同兩名外籍男女合照，原來佢哋係不丹王子同公主，王子名Dasho Sangay Wangchuk，公主叫做Yangchin Sangay Wangchuk，公主仲着傳統民族服裝嚟撐場添！
不丹王子公主都撐場，鄭兆良（左）認真有面！
