櫃車冇收油 輕鐵似着火

【本報記者】「車頂好似着火……好像爆炸一樣！」目睹輕鐵被撞一刻的乘客及街坊，曾擔心意外釀成大災難。據姓鄭（十六歲）中四男生稱，「當時見到架貨櫃車直插埋輕鐵嗰陣，完全冇收到油，車速好快，連胎痕都冇，輕鐵被撞後車頂好似着火咁，閃出「啪啪」聲嘅火花，好像爆炸一樣！」另一名老伯則指貨櫃車速度很快，撞輕鐵後發出巨大響聲，車卡被撞致左搖右擺，疑有車衝紅燈引致意外。

至於在車廂內親歷輕鐵被撞意外的乘客朱先生稱，「我見到架貨櫃車直插埋嚟，咪即刻抓實扶手，好彩只係撞傷鼻，但其他人就冇咁幸運，好多人跌低東歪西倒，車廂地下血漬斑斑，一片狼藉，列車一停，大家就好驚咁蜂擁落車」，他講述意外時猶有餘悸，不敢相信輕鐵會被攔腰撞。

朱又表示，出事時坐在頭位，全部座位也坐滿人，十多人則站立。輕鐵駛過十字路口期間，已見到貨櫃車從遠處急衝而至。出事後大家「嘩鬼叫」混亂不堪，有人失平衡跌落地下東歪西倒，有人撞穿頭浴血。