City Parade：尊貴時刻
賽馬，與製錶一樣，有所付出，必精益求精。尊貴鐘錶品牌愛彼錶，上周日喺沙田馬場舉行「愛彼錶女皇盃」，請嚟城中熱愛賽馬之名人，一同歡呼喝采，見證刺激時刻。國際知名影星蘇菲瑪素早前旋風式訪港，為殿堂級法國珠寶品牌CHAUMET盛大鐘錶展揭幕，慶祝香港旗艦店開幕五周年。CHAUMET展出難得一見嘅古董時計，部分來自拿破崙後人，見慣世面嘅蘇菲瑪素，亦為之大開眼界。
謝婷婷 瑰麗奪目
謝婷婷（右）與朱凱婷齊齊擺出靚甫士，爭妍鬥麗。
戴尚安 結伴欣賞
名媛李桂蘭公子戴尚安（左二）與女友Tina Leung（左三）及友人齊欣賞瑰麗古董名錶。
蘇菲瑪素 互相輝映
三十多件罕有珍品在前，身為CHAUMET代言人嘅國際著名影星蘇菲瑪素，落足眼力鑑賞。
陳南祿 融洽家庭
馬會大董陳南祿（右）由公子（左）及千金（中）陪伴入馬場家庭樂，認真廿四孝！
朱繼陶夫婦 畀面撐場
太子珠寶鐘錶執董朱繼陶夫婦（左一及二）、女兒朱紫嬈（左四）及主席鄧鉅明（右一），齊出動撐場。
蔡志明夫婦 飲得杯落
蔡加怡（左一）和弟弟蔡加讚（右一）用心打理「喜運佳錶行」，仔女咁落力，玩具大王蔡志明夫婦（左二及三）應該飲得杯落。
李文斌 二人世界
仁濟董事局主席李文斌（左）同太太Amanda（右）難得唔使湊BB，入場享受二人世界。
邱李茂琪 高貴淑女
名媛邱李茂琪（右）同著名時裝設計師Bonita Cheung（左）不約而同戴上精緻禮帽，凸顯淑女風範。
王嘉恩 恩愛典範
博愛總理王嘉恩（右）與太太Pauline（左）盛讚愛彼錶夠高貴典雅。