只要有心，連飲酒都可做善事。近年全心投入保護動物工作嘅傅明憲，尋日以香港愛護動物協會會長身份，出席一個名為「輕鬆酒路」嘅籌款活動，呢個活動由佢哋同中環蘇豪區十九間酒吧合作搞嘅。
傅明憲賣花讚花香話：「只要買一張三百蚊嘅飛就可以喺呢十九間酒吧任飲，已經賣咗千幾張飛，好開心今次籌到六位數字善款！」問到平時會唔會經常飲酒，佢話，朋友生日都會飲酒助興，多數會喺蘭桂坊。
傅明憲推動飲酒做善事活動，為保護動物出一分力。
