執生係臨急應變嘅技巧，名模馬詩慧（Janet）尋日喺黃金海岸出席一個遊艇展活動，並且行騷，期間就發生一段小插曲，事關佢對鞋太鬆，行騷時曾經絆了一絆，模特兒行得出嚟就要風姿綽約，點可以拖住對鞋呢﹖結果經驗老到的Janet即刻除咗對鞋，一於赤腳行騷。
好耐冇行騷嘅佢話，今次可謂最蝦碌嘅一次時裝騷：「唔知算唔算係遲來嘅春天！」執生咁快，又能夠淡定完成行騷任務，難怪老公王敏德都要送上香吻。
馬詩慧赤腳行騷，依然婀娜多姿。
圖為甩咗嗰對鞋。
