政情：莊偉茵啟德機場溫功課
國泰航空企業事務董事莊偉茵（Quince）嘅事業同飛機關係密切，不過，細個嘅Quince卻從冇諗過要做空姐，甚至同機場有關嘅工作，直到加入國泰後，至令佢對飛機嘅感情愈嚟愈深。
Quince喺九龍城出世，飛機聲陪伴成長，每日都睇住國泰嘅飛機喺啟德機場升降，到考試季節又會約同學去機場溫書。不過，佢從來都冇諗過入機場工作，直到機場由九龍城搬到赤鱲角後，佢先至加入國泰，一直做到高層。
上禮拜Quince去美國西雅圖接收新波音飛機返港，呢架冇乘客嘅飛機可以任佢哋參觀，所以佢唔單止睇晒機組人員嘅休息室，仲連「禁地」都入得。
莊偉茵話每次接收飛機都好開心。（莊偉茵提供圖片）