「體操王子」李寧移居本港之後，體育用品生意愈做愈大，連做馬主都好順利，尋日佢名下愛駒「桂花飄香」出賽，李寧帶埋太太、囡囡捧場，結果愛駒以大熱姿態勝出，為李寧金贏得逾三十六萬元獎金。
開賽之後，李寧好緊張，傍住看台全神貫注睇實，衝閘時，佢擘大個口似為愛駒加油、打氣，之後臉露喜色睇住愛駒衝線，之後李寧好開心咁抱住囡囡，同太太好威咁拉頭馬。
李寧（右三）抱住囡囡開心拉頭馬，左二為李寧太太。
