退休後閒時教吓英文、做吓慈善工作嘅楊鐵樑，尋日示範乜嘢叫好好老爺。楊官嘅新抱楊余夏卿尋日舉行新書《煲煲好》發布會，做老爺嘅楊官同個仔楊子信一早到場，連前律政司司長梁愛詩都嚟捧場，楊官仲幫手招呼嘉賓添。本新書已推出超過四千五百本，所有版稅均捐畀香港紅十字會。
被問到新抱下廚值幾多分時，楊官笑笑口話：「畀分好似假假哋，佢個人十分好，唔單止煮嘢好食，連所用嘅器皿都好講究。」佢又透露，每個月都會抽空同兩個新抱去文華酒店食早餐：「天南地北咩都講，咁樣老爺同新抱就冇代溝。」
楊鐵樑（右）同阿仔楊子信齊出席新抱楊余夏卿本烹飪書嘅發布會。
