內地地產界近年出咗好多矚目人物，花名「任大炮」嘅任志強係其一，佢過去嘅言論好惹火，有啲人可能以為佢銅臭味重，不過，任大炮喺博客自爆，自己書香味都唔少，舊年三月整咗個私人圖書室，到依家一年有餘，埋單計數已經睇咗過百本書。
身為華遠地產老細嘅任大炮年睇過百本書，即刻驚動網友，有人就驚嘆：「任總，您太能讀了！」仲有網友要佢推薦一啲書目。
任總於是喺博客寫咗題為《書不可不讀》嘅文章，解釋自己睇書或因興趣、或因需求，當然唔少得學習知識同休閒娛樂性質，亦會睇社會性、理論性書籍。
