SUN世代：做好時間管理興趣多冇有怕

區議員及電子公關公司的工作，已佔據了Gary大部分時間，因此，當記者問他閒時有何娛樂時，滿以為答案會是「邊有咁多時間」之類。但出乎意料之外，Gary竟然有大量興趣，魔術、詠春、扭氣球等，樣樣有興趣、樣樣鍾意玩，他更堅持「每年去一個新地方，學一種新嘢」。

演音樂劇分飾四角

Gary今年的最新嘗試，是於剛過去的沙田節，參演由高志森監製的音樂劇《香港．你好》，一嘗踏台板滋味。該套音樂劇以一間茶餐廳為背景，講述回歸十三年以來，香港經歷的一點一滴。全劇共分四個場景，Gary則在每個場景中，分飾不同角色，分別為警員及三個身份不同的茶客，挑戰性十足。「雖然戲份同對白唔多，但係都花咗好多時間喺排戲同練舞度，過程好開心、好難忘！」

工作忙碌，興趣又多多，Gary面上卻沒有半點倦容，秘訣在於做好時間管理，「我相信時間係管理出嚟，只要做好時間管理，再忙嘅人都一定有時間做自己鍾意做嘅嘢。」