政情:Lisa S.對拉登之死感高興

名模Lisa S.尋日為品牌佳士得擔任珠寶首飾模特兒,被問到有冇留意拉登已死嘅報道,身為美國人嘅佢對件事感到高興,又話身處拉斯維加斯嘅家人都鬆一口氣。

問到會否擔心911事件再次發生,佢話:「唔驚,不過可能會有人想報仇,呢方面比較恐怖。」對於美國發出旅遊警告,佢話自己每次外遊都好小心,又開玩笑話:「我有香港身份證,可以話自己係香港人。」再追問係咪美國多敵人時,佢話:「可能因為美國太受注目。其實每個國家都有敵人,不過香港好似冇。我真係好慶幸自己生活喺香港呢一個咁中立嘅城市。」

「Money18免費即秒股票報價網站」現推出8升級功能,財經資訊,實時實發!

Lisa S.示範三套首飾,其中一套嘅估價達一億港元。