喺新地環球貿易廣場（ICC）嘅香港麗思卡爾頓酒店（THE RITZ-CARLTON）尋日隆重開幕，貴為酒店老闆，新地副主席兼董事總經理郭炳江同弟弟郭炳聯舉行超豪Party慶祝。
開幕儀式氣勢十足，大會安排一條長近180米、要由逾百位舞蹈員舞動嘅巨龍展開序幕，又邀請國際著名歌劇天后Katherine Jenkins演繹一首意大利名曲。儀式結束後，郭氏兄弟做導遊帶城中名人齊「登高」，見識呢間位於廣場第102至118層、屬現時全球最高嘅酒店。
恒基李家傑（右二）同李家誠（左二）結伴到場，新地老闆郭炳江（右一）同弟弟郭炳聯（左一）親自招呼。
