政情:何君堯選屯門區會主席慘敗

之前都講過新任屯門鄉委會主席何君堯想更上一層樓,同建仔嘅梁健文爭做屯門區議會主席,前日仲約埋新界鄉議局主席劉皇發密斟。屯門區議會尋日補選主席,何君堯以九票對二十二票慘敗,連佢都形容今次真係輸到「阿媽都唔認得」,仲話下次都唔會再選副主席。

梁健文攞到建仔嘅十三票,加上提名佢參選嘅發叔個仔劉業強同建制派票源,所以攞到二十二票當選主席。至於何君堯則由鄉事派陶錫源提名,另外兩位鄉事背景嘅區議員蘇炤成、古漢強和議,但蘇炤成就請咗假冇去投票,唔通何君堯攞到嗰九票包括咗泛民主派區議員?但最弔詭都係有三票白票,難道有人覺得兩個都揀唔落手?

「Money18免費即秒股票報價網站」現推出8升級功能,財經資訊,實時實發!

何君堯