SUN世代：貪靚冬菇頭 堅持日日着裙
Clara擁有一張漂亮臉孔，打扮典雅，散發着高貴氣質。她謂，自小已經非常貪靚：「細個好唔鍾意着褲，日日都堅持要着裙，又好鍾意長頭髮，不過媽咪一直都幫我剪冬菇頭！升到中學，因為掛住讀書，又成日要運動，反而剪咗男仔頭，仲要係着褲！」
護膚秘訣：冰水洗面
現時Clara身為美容中心老闆，當然有一套美顏心得：「最緊要係保持好嘅生活習慣，瞓多啲、飲多啲水、食得清淡啲、唔好食咁多煎炸油膩食物，湯水都好重要。另外唔好曬太陽，因為好傷害皮膚嘅保護層！平時多用冰水洗面，係令皮膚緊緻嘅秘訣！」
既美麗又能幹的Clara，早就名花有主。提到男朋友，一臉幸福滿瀉，她甜絲絲地說：「我哋十幾歲就識，因為大家嘅family好熟。」她與男朋友拍拖兩年，最近二人更訂婚，將於明年拉埋天窗！
多才多藝的Clara，自小已精於彈鋼琴。