SUN世代：擺脫壓力麗人打造避世地

香港生活節奏急促緊張，不少人都承受着沉重壓力，張蔚泉（Clara）曾是匆忙人潮的一員。她曾於投資銀行熬過五年的非人生活，深感壓力爆煲，毅然辭去高薪厚職，全力打造猶如城市綠洲的水療美容中心，令港人可遠離煩囂，放鬆身心。這位美麗女強人笑言：「每次客人同我講，呢度好似寧靜嘅屋企，令佢哋享受到鬆弛舒適，忘記晒壓力煩惱，我都會好開心，好有滿足感！」

經過繁喧的中環金融中心地段，踏入Clara的水療美容中心，彷彿置身於鬧市中的寧靜綠洲。中心以優雅舒適為設計主題，用白色作主調，予人「家」的感覺，她解釋：「中心個名Hermitage，意思係僻靜嘅住所，我希望客人嚟到，有離開煩囂都市、返屋企嘅感覺，可以放鬆減壓。」為何Clara會萌生這個念頭？原來她曾嘗過承受巨大壓力的痛苦。

Clara初中時負笈英國，後來於名校倫敦政治經濟學院攻讀商科，畢業後在當地加入投資大行摩根士丹利，兩年後回港，到另一著名投行高盛工作。 「朝早九點返工，做足十八個鐘，晚晚半夜三點先走得。最辛苦係金融海嘯嗰段時間，公司炒咗一個team，我要做埋人哋嗰份，double工作量，真係好攰！」

投行工作嘗非人生活

當I-Banker絕不容易，她更形容是「非人生活」。工作壓力大不特止，更欠缺滿足感：「日日坐喺度對住部電腦，搞掂手頭上工作，交到功課就得，即使做得好，都唔係屬於自己。」

三年後，她決定放棄不少人趨之若鶩的投行工作，但她坦言這五年的投行經歷實在獲益良多：「學到好多嘢！令我變得更捱得，亦訓練到我嘅專業工作態度同責任感！」

Clara於去年初創立她的水療美容王國，為客人提供理想的「避世地」，可以選擇獨自享受鬆弛神經的面部護理療程，感受難得的寧靜；或與三五知己一起全身按摩，邊暢談邊舒展筋骨。別以為Clara當上老闆娘會「好歎」，其實工作不比投行輕鬆。她現時星期一至日都要回中心打點一切，開業首半年更不曾放過假！不過即使工作辛苦，她亦深感值得，因她能為客人帶來鬆弛舒適，忘卻壓力煩惱，令她獲得無限滿足感！

Clara's Profile

婚姻狀況　已訂婚

學　　歷　倫敦政治經濟學院學士

現　　職　The Hermitage Spa董事