政情：中總青委會老蘭Happy Hour

做人唔可以食古不化，作為一個商會，更加應該求新求變。最近唔少大型商會轄下都另行成立青年組織，以維繫年輕會員，中華總商會作為一個老牌商會，喺佢嘅金漆招牌底下，原來都有一個青年委員會，最近仲破天荒去咗蘭桂坊Happy Hour，不知幾潮。發起今次Happy Hour聚會嘅，原來係中總青委會主席曾智明，佢話大家摸住酒杯底傾吓偈，可以聯絡感情喎。數一數，出席今次活動嘅會員有二十幾人咁多，長江後浪推前浪，睇嚟中總年輕化都好有希望喎。

「Money18免費即秒股票報價網站」現推出8升級功能，財經資訊，實時實發！

曾智明（後排右五）同班中總青委會成員一齊摸杯底傾偈。